ამ ეპიკური ტილოს მთელი 7 სერია ადამიანის თვითშეგნებისა და თვითგარდაქმნის შემაძრწუნებელ სურათს წარმოადგენს. რამდენნაირი გზა და საშუალება არ სცადა დათამ, რათა ამომწურავი პასუხი მიეღო ადამინის საზრისზე, მაგრამ ყველა მისი ცდა და ექსპერიმენტი კრახით დამთავრდა. ფილმს ორი მთავარი გმირის, დათა თუთაშხიასა და მუშნი ზარანდიას შორის ურთიერთბრძოლის მთავარი თემა გასდევს, ესენი ერთი მედლის ორი სხვადასხვა მხარეა და ერთმანეთს ავსებენ ცხოვრების ასპარეზზე საერთო ამოცანათა თვალსაზრისით. პირველი ახალი, რევოლეციური სულის მატარებელია, ხოლო მეორე ცარიზმის სულისკვეთებით გაჟღენთილი და ტახტის ერთგული მსახური.
